agriteach.hu - Result

O6 План за валоризација и одржливост

Silvia — Fri, 25 Oct 2019 07:20:24 +0000

Language Македонски

Целта на овој интелектуален труд е да се обезбеди одржливост на проектот во секоја земја-партнер, а не само во двете целни земји Унгарија и Македонија. Во првата активност, проектот ќе изработи дигитален учебник за сите наставници во земјоделството базиран на содржината развиена во текот на проектот и ќе биде изработен на англиски, унгарски и македонски јазик.

Откако ќе се тестира и разгледа содржината, ќе биде објавена во форма на дигитален учебник под (Creative Common License) кој ќе биде достапен бесплатно за наставниците и учениците. Изведените јазични верзии на овој учебник ќе бидат во согласност со посебните карактеристики на целните земји.

Во рамките на интелетуалниот труд 6, партнерите во проектот ќе изготват договор за авторски права каде секој партнер ќе ги сумира искуствата и придобивки стекнати во текот на работата на проектот. Секој партнер ќе ги елаборира своите специфични планови за одржливост на проектот пред предвидениот датум на завршување на проектот.

O5 Агритич 4.0 програма за обука на наставници од стручно образование и обука

Silvia — Fri, 25 Oct 2019 07:01:35 +0000

Language Македонски

Обуката за наставниците првично ќе биде во форма на комбинирано учење за да се запознаат со концептот и правилно да се насочат учесниците. Ова ќе биде проследено со фаза на онлајн учење, водена од предавачи во двете целни земји, Унгарија и Македонија. Пилот-обуката првично ќе стартува во Унгарија, а еден месец подоцна ќе следи и во Македонија. На овој начин ќе се осигура брзо решавање на евентуални проблеми. Вклучувањето на наставниците ќе започне со анкета. Со ова ќе се поканат наставниците и советниците вклучени во анкетата да учествуваат во обуката.

За обуката ќе се користи методологија на мрежно учење. Во пракса, тоа значи дека предавачите ќе помогнат во онлајн комуникацијата и ќе овозможат соработка и размена на знаење помеѓу учесниците. Оваа методологија е различна од MOOCs, каде учесниците сами учат. Учесниците на оваа обука ќе работат во групи, со разменување на содржините од учењето за цело време на пилот обуката.

Пилотирањето ќе започне во двете целни земји со информативен ден со цел подобро да ги совладаат основните вештини за работа, навигација и учење на платформата, но и да се запознаат едни со други. На овој начин се овозможува поефективно заедничко учење.

Во текот на обуката учесниците ќе имаат можност да се запознаат со современите и иновативни педагошки методи кои ги вклучуваат моделот на проектно учење и моделот на “превртена училница“. Дизајнот на обуката ќе обезбеди интеграција на специфични задачи со предизвикувачки прашања во лекциите, со цел инспирирање и мотивирање на учесниците активно да се вклучат во форумите за дискусии.

По оваа почетна фаза, ќе следува период на онлајн учење, за време на кое учесниците ќе бидат водени од предавачите. Во завршната фаза ќе има уште еден информативен ден на кој учесниците ќе имаат можност да дискутираат за проблемите, да им поставуваат прашања на предавачите и да споделат идни планови.

Attachment	Size
agriteach_newsletter_5_en.pdf	888.38 KB
agriteach_newsletter_5_mk.pdf	855.79 KB

O4 Агритич 4.0 Систем за управување со учење

m.micevski — Thu, 16 Aug 2018 10:48:48 +0000

Language Македонски

Во оваа фаза на проектот, ќе биде имплементиран системот за "е-учење", базиран на отворениот софтвер Moodle (модуларна објектно-ориентирана динамична средина за учење). Планираната тематски-ориентирана структура на курсот ќе биде изградена со прецизно испланирана временска рамка. Курсот ќе биде добро структуриран и нема да претставува само онлајн извор на едукативни содржини каде што учесниците се оставени сами на себе во совладувањето на материјата. Нашите образовни партнери ќе внимателно ќе работат на развивање на упатство, кое би вклучило и поддршка од тутор/ментор со што би се олеснил едукативниот процес.

Сите технолошки и едукативни компоненти на курсот, ќе се водат од специфични педагошки цели, како мотивација, вклученост во соработка, споделување на знаењето, онлајн комуникација и активно учество.

Материјалите за обука за е-учење се произведуваат во рамките на Moodle (Модуларна објектно-ориентирана динамичка средина за учење). Mатеријалитe за учење се достапни на 3 јазици (HU, MK, EN) на овој интерфејс..

Модул: Учење во 21виот век
Модул: Европски стратегии и иницијативи за е-Земјоделство
Модул: Дигитални системи во Земјоделство 4.0

Завршувањето на индивидуалните модули напредува во темпото на пилот-обуката, а процесот на учење е олеснет од страна на наставниците. Курсот ги содржи следните елементи:

вовед во курсот
целите на модулите
водич за учење
курикулум
практични вежби
задача од модулот
форум
финална задача

Agriteach 4.0 Learnin Portal: http://moodle.agriteach.hu/
Пилот фазата би започнала во Унгарија од 25ти февруари до 26 Април 2019. Во Македонија, пилот фазата би започнала од 4ти март па се до 5ти април.
Потребно е да се регистрирате за да учествувате на обуката.
Сите материјални за обуката ќе ги добиете беспатно по успешната регистрација.

O3 Силабус и содржина на обуката Агритич 4.0

m.micevski — Thu, 16 Aug 2018 08:32:28 +0000

Language Македонски

Како основа за креирање на силабусот и содржината на обуката Агритич 4.0, беа земени резултатите од анализата на потребите. Креирањето на содржината на обуката ќе биде преку блиска соработка помеѓу партнерите во проектот. Исходот ќе биде фундаментален за квалитетот на резултатите од проекот.

Во фазата на подготвување на предлог-проектот беше подготвен и прелиминарен план за модулите и нивната содржина и големина, но сепак, овој план може да подложи на промени според добиените резултати од анализата на потребите.

Единствениот проблем во однос на отворените едукативни програми е јазикот, бидејќи сите најквалитетни ресурси (видеа, упатства) се објавени на интернет на англиски јазик. Сепак, во полето на ИКТ, за да се биде во тек со еволуцијата, задолжително е барем некое основно познавање на англискиот јазик во смисла на познавање на професионалните содржини, дури и во земјоделскиот сектор. Поради тоа, намерата ни е во содржината на обуката да вклучиме и еден дел за ИКТ алатки за брзо изучување на англискиот јазик.

Ново креираната содржина ќе биде пишувана во основна верзија на англиски јазик, а потоа ќе биде и преведена на јазиците на земјите кои се цели на проектот.

Планираните модули се следниве:

Модул 1: Возобновување на земјоделското образование
Модул 2: Европски стратегии и иницијативи за "е-Земјоделство"
Модул 3: Дигитални системи во "е-Земјоделство"

O2 Потребите од обука на наставниците во областа "е-Земјоделство"

m.micevski — Fri, 18 May 2018 08:04:02 +0000

Language Македонски

Интелектуалниот труд 2 нуди детални информации во однос на понудата на пазарот на трудот, односно каква е сликата во стручното образование и каква би требало да биде, со цел да се задоволат потребите за квалитетно образование и вештини од Земјоделство 4.0. Резултатите од анкетата содржат корисни информации за самиот образовен систем, а заклучоците од неа се многу важен инпут за наредните фази, особено при креирањето на обуките.

Целта беше да добиеме одговори на следниве прашања:

Колку се свесни наставниците од стручните земјоделски училишта за модерните трендови од Земјоделство 4.0?
Колку се во можност да ги подготват учениците за модерните трендови во Земјоделство 4.0?
Имаат ли доволно добри познавања од ИКТ во прецизно земјоделство и системи базирани на ИКТ?

Почетната хипотеза на проектот, која беше изградена со претходни консултации со партнерите од индустрискиот и образовниот сектор, беше дека има значителна потреба од обезбедување на ИКТ обуки во ова поле, но хипотезата треба да се потврди преку анкети во целните земји на проектот, Македонија и Унгарија.

Attachment	Size
agriteach_io2_a3_teachers_questionnaire_analysis_mk_final_en.pdf	1.11 MB
agriteach_io2_a3_teachers_survey_analysis_hungary_final_en.pdf	2.29 MB
agriteach_io2_a3_summary_combined_final_en.pdf	806.49 KB
agriteach_newsletter_02_final_mk-2.pdf	596.67 KB

O1 Познавања на вработените во секторот земјоделство за "е-Земјоделство"

m.micevski — Thu, 17 May 2018 08:35:02 +0000

Language Македонски

Целта на интелектуалниот труд број 1 беше да се изгради генералната слика за користењето на ИКТ во земјоделските компании во Македонија и Унгарија, моменталната состојба околу Земјоделство 4.0 во однос на ЕУ трендовите и понудата и побарувачката на работната сила во земјоделските компании со особен фокус на дигиталните способности на вработените.

Беше направена една широка анализа на моменталната состојба во однос на користењето на ИКТ во земјоделството во двете држави, Македонија и Унгарија, како и на ниво на ЕУ. Оваа анлиза послужи како основа за понатамошните активности на проектот. Дополнително, анкетирани беа засегнатите страни - локални фармери и претставници од земјоделски компании, со цел да се добијат директини и јасни информации од чините.

Освен основните информации ( вид на компанија, големина, број на вработени итн.) главната цел беше да се извлечат точни податоци во однос на користењето на ИКТ алатки во земјоделството и методите за прецизно земјоделство. Во анкетата учествуваа 64 претставници од земјоделските компании во Унгарија, а во Македонија бројот на анкетирани компании беше 11.

Позадина

При анкетата беа опфатени сите сектори на земјоделско производство во државата (винарии, фарми, итн.), а опфатени беа и различни компании во однос на бројот на вработени, обработлива површина, и сл.

Познавање на ИКТ

Резултатите и во Македонија и во Унгарија покажаа дека генерално нивото на свест околу ИКТ во земјоделството задоволувачко, со тоа што, во Унгарија поголем процент од земјоделските компании активно користат ИКТ во работата. Сепак, во двете држави, мнозинството од анкетираните одговорија дека не го искористуваат во целост потенцијалот на ИКТ.

Прецизно земјоделство

Во оваа област се најголемите разлики помеѓу двете држави. Додека во Унгарија добар број на анкетираните одговориле дека користат барем некои методи на прецизно земјоделство, а оние кои не користат барем се запознаени со нивното постоење, во Македонија резултатите беа значително полоши. Иако бројот на компании кои се запознаени со прецизното земјоделство беше пристоен, сепак, бројот на компании кои активно го користат беше многу мал.

Attachment	Size
agriteach_o1_a2_state_of_art_macedonia_english_version.pdf	601.03 KB
agriteach_o1_a2_state_of_art_hungary_english_version.pdf	636.74 KB
agriteach_o1_a2_survey_results_in_macedonia_en_final.pdf	883.05 KB
agriteach_o1_a2_survey_results_in-hungary_en_version_final.pdf	1 MB
agriteach_o1_a2_state_of_art_eu_cz_english_version.pdf	1.33 MB
agriteach_o1_a2_comparative_analysis_and_summary_en.pdf	637.78 KB
agriteach_o1-a3_pa_cf_version_3_en.pdf	1000.95 KB
agriteach_newsletter_01_mk.pdf	912.5 KB